KBM & Penugasan Online Mapel B. Sunda kelas X minggu ke-4. (X TKJ B,C dan X BDP A,B).

-
KBM Minggu ke-4 .

 FIKSIMINI SUNDA

Pangajaran samemehna hidep kantos diajar tentang karya sastra tulis nyaeta carpon. Dina materi BAB ieu, lianti carpon aya deui carita anu leuwih pondok. Ngaranna fiksimini. Éta istilah téh tina basa Inggris: mini fiction. Lantaran karanganana anu pondok pisan (aya nu diwangun 
kurang ti 300 kecap, malah aya nu kurang ti 50 kecap) sok disebut ogé micro fiction, flash fiction, jeung five minute fiction. Biasana tungtungna téh ngandung rénjagan atawa dipungkas ku hal anu teu disangka-sangka. Ku hal éta fiksimini sok disebut ogé sudden fiction (fiksi ujug-ujug).

Ieu wangun karangan téh mimiti populér sabada Nunu Nazarudin Azhar nyieun grup fiksimini Sunda dina ramatloka facebook, taun 2011. Réa anu nulis fiksimini Sunda di dinya malah aya anu geus dibukukeun.

Nepi ka taun 2013, teu kurang ti 10 judul buku fiksimini Sunda anu geus diterbitkeun. Singhoréng, galagat resep nulis jeung maca fiksimini téh lain di urang baé. Katompérnakeun, fiksimini populér di mana-mana, kaasup di mancanagara. Sigana baé, wangun fiksimini cocog keur kahirupan manusa kiwari anu sarwa sibuk 
jeung sarwa hayang ringkes.

Ieu di handap sawatara conto fiksimini Sunda nu 
kungsi ditulis dina grup fiksimini Sunda di ramatloka facebook. Tiluanana dicutat tina www.fikminsunda.com. 
Titénan geura!

Sapertos kitu conto fiksimini sunda teh. Dina penugasan online mingon ka-4 ayeuna hidep bakal diajar nganalisis sababraha hal penting tina Fiksimini "Lebaran Aheng". Klik link dihandap kanggo tugasna!


Sumber materi : Buku Pamekar Diajar Basa Sunda (pikeun murid SMA/SMK/MA/MAK kelas X) 

Comments

Post a Comment

Popular posts from this blog

KBM & Penugasan Online Mapel B. Sunda kelas XI minggu ke-4. Materi : BAB VIII Warta (Berita). SMKN Pancatengah.

-
Image
Kecap warta téh ngandung harti béja, béwara, atawa informasi. Nepikeun warta hartina nepikeun béja. Kecap warta asalna tina basa Sansekerta, nya éta béja atawa kabar berita. Hidep kungsi ngadéngé kecap kalawarta? Kalawarta ngandung harti warta anu ditepikeun kalawan maneuh dina waktu nu geus ditangtukeun , upamana poéan, mingguan, bulanan. Kalawarta ogé bisa dihartikeun koran, majalah, atawa tabloid. Kiwari mah warta téh leuwih laluasa tur leuwih canggih ditepikeunana téh, sajaba ti koran, majalah, tabloid, radio, televise, telepon, ogé geus bisa dibandungan dina internet. Basa nu dipaké pikeun nepikeun warta aya nu ngagunakeun basa Sunda ragam loma, ogé aya nu ngagunakeun ragam lemes. Éta basa nu dipaké pikeun nepikeun warta, boh lisan boh tulisan kudu babari jeung kaharti ku nu bakal narimana. Tujuan nepikeun warta téh rupa-rupa, di antarana pikeun nepikeun béja, pangajak, iklan, propaganda atawa promosi, jeung sajabana. Ku lantaran tujuanana rupa-rupa, nya istilahna ogé rupa-rupa
Read more

KBM & Penugasan Online B. Sunda XI Minggu ke 6, Materi : BAB VIII Warta, untuk kelas XI TKJ A,B & C. SMKN Pancatengah.

-
Image
A. KBM BAB VIII Warta Dina pangajaran Warta samemehna hidep atos diajarkeun naon anu sabenerna anu disebut Warta teh, kecap warta téh ngandung harti béja, béwara, atawa informasi. Nepikeun warta hartina nepikeun béja. Kecap warta asalna tina basa Sansekerta, nya éta béja atawa kabar berita. Hidep kungsi ngadéngé kecap kalawarta? Kalawarta ngandung harti warta anu ditepikeun kalawan maneuh dina waktu nu geus ditangtukeun , upamana poéan, mingguan, bulanan. Kalawarta ogé bisa dihartikeun koran, majalah, atawa tabloid. Warta oge ngabogaan 2 jenis nyaeta (a) Warta Tulis, (b). Warta Lisan ; 1. Warta Tulis Warta anu ditepikeun ngagunakeun basa tulis biasana wangun médiana mangrupa koran (surat kabar), tabloid, atawa majalah. Midangkeun warta ku basa tulis, sajaba ti basana kudu merenah, ogé kudu merhatikeun kaidah-kaidah basa tulis, sabab upama salah ngagunakeun éta kaidah basa tulis bakal mangaruhan kana harti atawa maksud  eusi warta nu ditepikeun. 2. Warta Lisan
Read more